السلام عليكم
انا انهارده بكتب بوست مكنتش اتمنى انى اكتبو
بوست انهارده عن الرجل المحترم "عصام شرف"
انهارده شوفت فيديو ليه وكان بيزور المساكن التم تسليمها للناس
وهو داخل كان فى ناس عاوزين يقدمو شكوى للدكتور عصام شرف ولكن....
تم منعهم من قبل الحرس الخاص برئيس الوزراء .. تفتكرو ليه؟؟؟
تعالو نشوف الفيديو وبعدين نكمل كلام
---------------------------------------------------------------
--------------------------------------------------------------
طبعا زى م انتو شفتو فى الفيديو منظر كنا بنشوفو زمان ايام النظام السابق وهو انو يبقى مثلا داخل رئيس الوزراء مكان والحرس مانع اى حد انو يقرب منو خااااااالص
هل ده المفروض يحصل دلوقتى؟؟
هل الدكتور عصام الشرف الى بجد بحترمو جدا هل ينفع الحصل ده؟؟
يا دكتور عصام لازم تسمع للناس وتشوف مشاكلهم
فى اخر الفيديو فى واحد كان بيقول مهو سمع للناس الى جوه
طيب يا دكتور عصام مش ممكن يكون الناس الجوه دول منافقين وبيقولو اى كلام يضللك؟؟
طيب حتى لو الناس الكانو مستنين حضرتك جوه دول ناس فعلا عندها مشاكل
طيب والناس البره دول المفروض مش تسمع ليهم ولا ايه؟؟
اقل حاجه كنت تقلهم يعملو شكوى على الورق ويقدموها لحضرتك فى الوزاره
طيب بلاش دى كان ممكن حضرتك تسمع هما عاوزين ايه ولو مشكلتهم اتقالت لحضرتك قبل كده كان ممكن تقلهم انك عارف المشكلة وان شاء الله هاتحلها
لــــــــــــــــيــــــــــــــــــــــه تم ابعاد الناس دى من طريقك
هو احنا هانرجع لايام زمان ولا ايه؟؟
للاسف اظاهر ان حضرتك مش بتسمع لحد الا لو عمل مظاهره او اعتصام وياريت حضرتك بتسمع للمعتصمين لا حضرتك بتنفذ مطالبهم فورا بدون حتى ماتسمع هما طلابتهم ايه .. وحتى لو طلباتهم غلط بيتم تنفيذها فورا
............. هل الطريقة الوحيده لسماع شكوى الناس هاتبقى التظاهر والاعتصامات ؟؟
هل كل الكلام البنسمعو ان حضرتك بتقابل الناس وتسمعلهم ده كلو كذب؟؟
ولا حضرتك مبتقبلش غير الناس الجاية من طرف 6 ابريل وكفايه وباقى الحركات السياسة ؟؟
مينفعش ان حضرتك متسمعش الا للناس البتعمل مظاهرات واعتصامات فقط علشان ده غلط
لازم يكون فى تغيير بجد
معتقدش ان فى حد من الشعب المصرى عاوز يشوف موقف من مواقف النظام السابق بتحصل قدامو الايام دى
لازم تسمع للناس الى فى الشارع
متكررش نفس غلطة مبارك وتسمع من الناس الحواليك فقط او تسمع من ناس جايه من طرف الناس الحواليك
ارجو ان يتم اخذ قرار فورى من عصام شرف بعمل لجنة لبحث مشاكل الناس الكانت عاوزه تكلمو انهارده علشان الناس دى مينفعش يتم تجاهلهم بالمنظر ده
0 التعليقات:
إرسال تعليق