السلام عليكم ورحمة الله وبركاتة
اولا اتمنى منكو الصبر على قراءه هذا الموضوع لانه فى غاية الخطورة واعذرونى على الاطالة ولكن لكى تتضح لكم الصوره كاملة يجب ان اغطى جميع زوايا الموضوع
الحصل فى ميدان التحرير امس بتاريخ 29/6/2011
كان شئ متوقع جدا وحصل كذا موقف قبل كده كان بينزر بحدوث كارثة
مثلا موضوع قتل سواق المكروباص امام قسم الازبكية
كذا حاجه اتقالت الشعب قال ان الشرطة قبضت عليه وتم تعذيبو ومات
والشرطة ردت وقالت د اتعدى على مأمور القسم فى الشارع والناس لما شافت كده مسكتو ضربتو
وطبعا بما ان رصيد الشرطة عند الشعب 0 يبقى الاغلبيه هاتصدق كلام الشعب فتم التعدى على القسم وحرق جزء منو
طيب هانفرض ان كلام المأمور هو الصح وان فعلا سواق المكروباص تعدى على المأمور والناس هي الضربتو ..
لو الكلام ده صح يبقى فى حاجه غلط فى الشعب وهى انو مبقاش يثق فى جهاز الشرطة يعنى فى مشكلة خطيره جدا جدا
وهى مشكلة ثقة نفس الحصل فى موضوع القسم هو الحصل امبارح بدايه من مسرح البالون نهايه بميدان التحرير
تعالو نشوف ايه الحصل بالصور والفيديو علشان محدش يقول عليا كداب
اولا وقبل كل شئ كل الهكتبو فى الموضوع ده هو من تحليلى الخاص واكيد يقبل الصواب ويقبل الخطأ
القصة تبدا كما يلى
اهالى الشهداء كانو متظاهريين امام وزاره الداخلية
وتم ابلاغهم ان فى جمعيه عاملة تكريم ليهم فى مسرح البالون
المهم اهالى الشهداء راحو على مسرح البالون علشان حفلة التكريم ولما دخلو
فوجئو ببلطجية تتعدى عليهم بالطوب والاسلحة البيضاء فا طبعا الشرطة لازم تتدخل لحماية المواطنين
فتم التعامل مع البلطجية
كما هو موضح فى الفيديو ده
------------------------------------------------------
------------------------------------------------------
طبعا زى ما انتو شوفتو مجموعتين من الشباب كانو بيحدفو طوب على بعض امام مسرح البالون والشرطة جت وضربت رصاص فى الهوا علشان تفرقهم
بعد متم تفريق الاشتباك الى حصل بعد كده ان البلطجية اندمجو مع اهالى الشهداء علشان يولعوها فتم تحريضهم على الذهاب الى وزاره الداخلية لطلب الحماية منهم .. وفعلا تم الذهاب الى وزاره الداخلية والاعتصام هناك والمطالبة بالحماية وبسرعه محاكمة قتلة الشهداء لحد هنا كلام زى الفل بس البلطجية او المندسين مع اهالى الشهداء ليهم خطة تانيه خالص وهى انهم يستفزو جهاز الشرطة علشان يتعدو على اهالى الشهداء
وده فعلا الحصل ناس من المندسين فى اهالى الشهداء رمو طوب على الشرطة فطبعا الشرطة مش هاتعد ساكته قامت جايبه عساكر امن مركزى ومدرعات للحماية .. قا الموضوع تطور وتم القاء الطوب بكثافة عليهم فالشرطة رد بقنابل مسيلة للدموع لتفرقه التجمع
فالموضوع تطور اكتر والمندسين ابتدو يرمو قنابل مولوتوف على الشرطة كما هو موضح فى الفيديو التالى
---------------------------------------------
--------------------------------------------
.. كل ده طبعا واهالى الشهداء الحقيقيين بيتعاملو مع الموقف بنيه سليمة وهو ان الشرطة تعدت عليهم وهما كانو بيدافعو عن نفسهم ((( بالطوب))) اما البلطيجة او المندسين كانو بيتعاملو (((بالملوتوف))) جه بقى الدور على القنوات الاخباريه والفيس بوك... طبعا تم نشر ما يحدث فى الجزيره وباقى القنوات الاخباريه وعلى الفيس بوك ..واى حد كان هايشوف البيحصل ده اكيد هاينزل علشان يشارك بدون ميعرف ايه السبب حتى .. وده نتيجة الحساسية الموجوده بين الشعب والشرطة المهم الناس كلها نزلت حتى النشطاء السياسين ..كلهم تهاتفو على مكالمة قنوات الاخبار علشان يظهرو فى الصوره ويتكلمو ويسبو ويلعنو فى الشرطة من غير ميعرفو ايه الحصل وكان اول الواصلين اكيد اكيد بدون شك مين؟؟؟
نـــــواره بنت نجم الفاجومى
اسمعو قالت ايه من قبل متعرف ايه الحصل اصلا
-------------------------------------------------------
------------------------------------------------------
الاستاذة نواره بتقول هل الرد الطبيعى من الشرطة على ناس بترميهم بالحجاره ان الشرطة ترد بقنابل مسيلة للدموع؟؟؟
طيب وحياه ابوكو ردو انتو .. المفروض الشرطة تعمل ايه؟؟
تنزل توزع عليهم بونبونى وتقلهم فداكم يا جماعه اعملو الى انتو عاوزينو كسرو عربيات الناس وعورو المجندين بتوعنا واحنا نجبلكو غيرهم؟؟؟؟
اقسم بالله كل مسمع تعليق لنواره فعلا بتأكد انها بنى ادمة (((جهجهونية))) جيه من جهجهون
المهم سيبكو منها وتعالو نسمع واحد كان بيتكلم بعقل وبحكمة وهو الاستاذ صفوت حجازى
الراجل ده وصل ميدان التحرير اثناء المعركة ودخل مسجد عمر مكرم وتكلم فى الميكروفون تعالو نسمع هو قال ايه فى الفيديو ده
------------------------------------------------------
------------------------------------------------------
بجد كلام عين العقل والله ولو الناس الهناك اذكياء كانواخلو الميدان لغايه الصبح بس لحد ما الشرطة والجيش يقبضو على البلطجية وبعدين ينزلو تانى بس للاسف محدش سمع الكلام بسبب ان المندسين طبعا وهما ليهم القوه فى الكلام اقنعو المتظاهرين ان لو مشينه هايبقى ده انسحاب مننا وهايبقى انهزمنا .. السطرين الفاتو دول انا واخدهم من مصدر موثوق فيه كان فى ميدان التحرير وهو القالى ان الكلام ده اتقال بين المتظاهرين بعد مصفوت حجازى خلص كلامو فى الميكروفون فا بلتالى محدش سمع كلامو واستمر الحال كما هو عليه لغايه الساعه 9 صباحا
تعالو نشوف صوره مترتبة تدريجيا من مساء امس وحتى صباح اليوم بيوضح الاشكال الكانت موجوده هناك
ركزو فى اشكال الناس بليل وشوفو عددهم والصبح شوفو اشكال الناس وعددهم قل ازاى ... انا ااقصد الاشكال الغلط الى مكنتش موجوده ايام الثوره
------------------------------------------------------------------
---------------------------------
--------------------------------------
دى مستندات الشعب المصرى كلو موجوده فى مجمع التحرير ازاى الناس دى دخلت ووقفت كده؟؟
لو حد قال ممكن يكونو امن المجمع طيب دى تبقى مصيبة اكبر سايبين حراسه المجمع وواقفين يتفرجو
الناس دى لازم تتجاب ونعرف مين هما ودخلو ليه ولو امن لازم يتم معاقبتهم علشان سابو حراسه المجمع ووقفو يتفرجو
------------------------------------------------------
ايه رأيكم؟؟؟
--------------------------------------------------
---------------------------------------------
-------------------------------------
-----------------------------------------------
---------------------------------------------
-----------------------------------------------
بس كفايه كده صور انتو شفتو الصور وتقدرو تحكمو بنفسكم ..انا اقسم بالله مش بتريق على منظر حد بس الناس بتبان من منظرها وسلوكها يعنى مفيش حد محترم هايقلع ويضرب طوب على الشرطة الى انا اعرفو ده اسلوب بلطجية اليقلع علشان يضرب ده
ده غير الموتسيكلات الكتيرررررر اوى دى من ايام الثوره واحنا عارفين ان البلطجية وسيلتهم هى الموتسيكلات ايام مكانو بيهجمو على الشوارع والمحلات والبيوت ماعلينا انتو شوفتو الصور وانتو عندكو عقل تقدرو تشغلوه وتحكمو على الناس دى
----------------------
(((ملحوظـــــــه هـــــــــــــــامة جـــــــــــدا)))
انا لا انقد اهالى الشهداء ولا اشجع ما فعلته الشرطة ولكن انا انقد عدم التفكير واخذ الامور بسطحية والتصرفات المتهوره
وانا مع اهالى الشهداء فى جميع مطالبهم بل كنت من الذين قرروا ان يشاركو فى ثوره الغضب الثانيه
ولكن ما حدث امس جعلنى افكر كثيرا فى ما حدث وبعد التفكير توصلت لهذا التحليل البسيط منى وكما ذكرت تحليلى لما حدث يحتمل الصواب ويحتمل الخطأ .. بالاضافة الى انا ضد القاء كل ما يحدث من شغب على عاتق الشرطة واظهارها على انها فاسده كليا ويجب اعاده هيكلتها وما الى هذا ... يجب على كل منا ان يسال نفسه هل الشرطة قادره على ضرب قنابل مسيلة للدموع وضرب المتظاهرين بدون اى سبب , وفى هذا التوقيت العصيب بالذات؟؟
اعتقد ان ما فعلته الشرطة هو نتيجة طبيعيه للدفاع عن نفسها ضد من بدا فى القاء الطوب والحجاره
ومع ذالك ان كان الخطأ على الشرطة فسوف اكون اول من يطالب باعاده هيكلتها ولكن يجب ان تضع فى الحسبان وجهه النظر الاخرى وهى كما ذكرت سابقا وجود بلطجية هم من بدأوا فى القاء الحجاره على الشرطة وهذا ما تسبب فى القاء قنابل العاز لتفريقهم وللدفاع عن نفسهم .... وهذا كان توضيح لوجهه نظرى انا شخصيا ولا يعبر عن اى احد اخر
شكرا لصبركم على قرأه الموضوع
واسف على الاطالة
اللهم احفظ مصر من كل سوء
اللهم احفظ المصريين من كل سوء
اللهم اضرب الظالمين بالظالمين واخرجنا منهم سالمين
امين يارب
والسلام عليكم ورحمة الله وبركاتة
0 التعليقات:
إرسال تعليق