لماذا لا يتم تطبيق قانون منع التظاهر المعطل لمصالح المواطنين؟

كتب بواسطة Msry 7or في 4:19 م بدون تعليقات

انا بجد اعصابى تعبت من الحكومة ومن الشعب بجد انا مش فاهم ايه التقصير الفظيع الى من طرف الحكومة ده .. 

وايه عدم المسئولية الى فى الشعب المصرى ده ..

انا هاكتب انهارده مغامرة على كورنيش النيل ..

انا نزلت انهارده الصبح بدرى على الساعه 7 ونص الصبح المهم عديت من قدام ماسبير وياريتنى معديت بجد منظر فظيييييع>>>>>>>

الناس المعتصمين علشان عاوزين شقق دول لقيتهم اعدين على الرصيف وفارشين وستات اعدين بجلاليب بيت وجلاليب سوده والى قدمها بجور وعليه حلة وبتطبخ .. ولقيت مجموعه من الرجالة اعدين وعمالين بيلعبو دومنة وناس تانيه اعدين بترنجات بيت واعدين على المقاعد وكانهم اعدين فى انترية بيتهم .. بجد منظر قزر لاقصى درجة .. المهم حمدت ربنا على انهم طلعو ناس محترمة ومعتصمين على الرصيف ومش قاطعين الشارع .. ولكن للاسف كلامى طلع غلط ومطلعوش ناس محترمة .. وانا راجع فى حدود الساعه 2 وجاى من على الكورنيش .. لقيتهم قافلين الطريق  بعربيات امن مركزى سالت فى ايه قالولى ماظرات واعتصامات ... طيب  مين دول وعاوزين ايه .. دول ناس عاوزين شقق

علطول انا ترجمت وعرفت ان الناس دى لما لقو ان سر ماسبيرو باتع وبيتنفذ اى طلب تروح تعتصملك هناك كام يوم يقومو منفذينو ...

اولا مع كامل احترامى للناس دى ولحقوقهم الى هيا اقل حقوق للمواطن بس انا بتكلم بغضب من جهتين ذى مذكرت فى الاول تقصير الحكومة .. وعدم مسئولية الشعب .... للاسف الناس دى مبسوطة جدا بعيشتها الى على النيل بدل مكانو اعدين فى الحوارى والشوارع اخيرا لقو مكان نضيف يعدو فيه وعلى النيل كمان ... شوفو بقى لما ربنا بيكرم ...المهم انا سؤالى .. قانون منع التظاهر ده مش المفروض يتم تطبيقة ولا الحكومة خافت من حقوق الانسان والناس الجاهلة البتقول لازم يتم الغاء هذا القانون مع ان القانون ده هايمنع اى حد انو يقطع شارع او انو يقطع شريط القطر او انو يعطل شركة او مصنع ... لان كل الكلام ده هايأثر علينا كلنا ....

للاسف انا شايف ان حكومة عصام شرف مش قادره تهاندل او تتعامل مع الوضع الحالى لمصر .. لازم يبقى فيه حزم وقوه فى التعامل 

ولازم الحكومة تعرف انها طول مهيا ماشية صح المفروض متخفش ولا من 6 ابريل ولا ائتلاف الثورة ولا كفاية ولا اى حد لانها ماشية صح... وبردو لازم الشعب يلم نفسو شويه ... بجد انا حاسس ان شوية شوية هنلاقى البنات المعنسين طالعين يعتصمو علشان عاوزين عرسان ... بجد حرررررررررررررررررررررام ارحمو البلد شويه .. لا لا بلاش البلد ارحمو الناس شوية وسيبو الناس تشوف مصالحها وبلاش تعطيل للناس .. اعتصموا براحتكم بس متقطعوش الطريق .. اتظاهرو براحتكم بس متقطعوش شريط القطر ..

ارجو ان الناس بجد تفكر كويس وتشوف هيا بتعمل صح ولا غلط وتحاول تشوف الحكومة ماشية صح ولا غلط لان انا شايف انها ابتدت تطبطب على الشعب وتدادى فيه واحنا للاسف شعب مبيجيش غير بالحزم

........................................

ياريت الناس تقول هل هى مع قانون منع التظاهر ولا لا؟