---------------------------------------------------------------
---------------------------------------------------------------
اهلا بيكم انهارده هاخرج عن موضوعاتى العادية علشان اكتب عن فيلم الفاجومى الى لسه شايفة امبارح فى البيت طبعا اوعى تفهمونى غلط علشان اكيد مش ده الفيلم الى ادفع فيه فلوس علشان اتفرج عليه
كلنا عارفين طبعا ان الفيلم بيحكى قصة كفاح (مسخره) الشاعر احمد فؤاد نجم
انا ليا تعليقات كتير اوى على الفيلم فى منها تعليقات سياسية وفى تعليقات تانيه فنية
اولا هابدا بالفنية
الفنان الرائع (خالد الصاوى) طبعا زى متعودنا منو فهو انسان رائع فى تمثيلة ورجل مثقف ومحترم
تمثيله كان رائع جدا جدا
**************************************************************
**************************************************************
نيجى للموضوع المضحك بقى وهو ان المفروض ان الفنان الرائع ( صلاح عبدالله) كان طالع فى دور الشيخ إمام
والشيخ امام كان كفيف مش بيشوف وكان لابس نضاره سوداء طول الفيلم
المضحك ان احداث الفيلم كانت بتدور فى سنه 52 تقريبا لغايه السبعينات
والفنان صلاح عبد الله كانت نضارته ماركة (ray ban)
دى صوره نضاره ray ban ياريت تركزو فيها اوى
خليكو فكرين الشكل كويس
بصو بقى للصور بتاعت صلاح عبدالله الى انا قطعها من داخل الفيلم
لاحظو فى اخر صوره كلمه ray ban باينة اوى فى العدسة اليمين فوق
--------------------------------------------------------------------------
---------------------------------------------------------
----------
اليضحك اكتر انهم فى اخر مشاهد للفنان صلاح عبدالله اعتقد انهم غيرو النضاره او نجحو فى انهم يشيلو علامة ray ban من عليها
اختفت علامة الـray ban تمام من على النضاره
بس للاسف خدو بالهم متاخر D:
وانا اقول الفيلم سقط ليه ونزل بالسرعه دى على النت ودى فى دى كمان
توضيح ده سبب من اسباب سقوط الفيلم .. السبب التانى ان محدش اصلا مهتم انو يعرف قصه حياه الشاعر احمد فؤاد نجم
----------------------------------------------------------------------------------------------
نيجى بقى ونتكلم فى احداث الفيلم
اولا انا بجد مش فاهم مين فى الدنيا دى اليبقى مبسوط اوى ان كل الناس تعرف عنو انو حشاش وبتاع نسوان
اقولكم انا
الفنان خالد الصاوى الى كان متقمس شخصية احمد فؤاد نجم كان طالع فى دور شاعر حشاااااااااااش وبتاع نسوان
والفيلم طبعا بيحكى مسيره كفاح الشاعر احمد فؤاد نجم يعنى بيوضح للناس انو كان حشاش وبتاع نسوان
- الفاجومى نام مع 3 بنات 2 من غير جواز وواحده على سنه الله ورسولة <<< متنسوش ان دى قصة حياه الشاعر احمد فؤاد نجم
- الفاجومى كان متعود فى كل حفلة من حفلاتو انو يشرب حشيش هو والشيخ إمام الكان عامل الدور صلاح عبدالله وكان الشيخ إمام هو البيجيلو الحشيش من المعجبين والفاجومى يخدو ويقطع منو ويشرب على الجوزة <<< متنسوش ان دى قصة حياه الشاعر احمد فؤاد نجم
- الفاجومى كان حرامى فى اول حياتو واتسجن
- الفاجومى عدى عليه 4 فترات فى عصور مصر .. عصر الانجليز .. عصر جمال عبد الناصر .. عصر انور السادات .. وعصر المخلوع ... وسبحان الله الراجل معجبوش ولا واحد من ال4 دول وكان بيهاجمهم كلهم ..
- اعتقل فى عصر جمال عبد الناصر ... اعتقل فى عصر انور السادات .. والله اعلم اعتقل فى عصر حسنى مبارك ولا لا
- الفاجومى بعد مخلف بنتو العسولة نواره مراتو سابتو وهو فضل انو يفضل فى العيشة بتاعت الحشيش والنسوان على انو يفضل مع بنتو..<<< فى الفيلم طبعا مش قايلين كده هما قايلن انو فضل المناضلة والكفاح على انو يهرب مع مراتو
- الفاجومى الـــ فضل المناضلة والكفاح على مراتو وبنتو اتجوز من واحد قد وعيالو فى اخر الفيلم
دى نظره باختصار على محتوى الفيلم البيأرخ قصه حياه احمد فؤاد نجم
ولكن للاسف انا واحد من الشباب مش شايف خااااااااالص ان دى قصه ممكن تتعرض فى السينما وده السبب التانى لسقوط الفيلم
ومعتقدش بردو ان الشاعر احمد فؤاد نجم مثال يجب ان يعرض للشباب لكى يكون مثلهم الاعلى
او علشان يعملو زيو
--------------------
اخر تعليق ليا على الفيلم الى عدى عليا كان 20 ساعه مش ساعه ونص .. بس انا استحملت الفرجة علشان اسمع الاغانى الكانت فى الفيلم وعلشان اكتب الموضوع ده لازم اكون اتفرجت على الفيلم من الاول للاخر
المهم اخر تعليق
فى مشهد فى الفيلم بجد خلانى كنت هاكسر الاب توب من كتر الغيظ
المشهد هو ان جاره الفاجومى والشيخ إمام دخلت عليهم فجأه وهي بتصوت وتقلهم تعالو الحقونى .. تعالو شوفو
راحو معاها المهم لقو بنتها اتحجبت... فجأه كلهم اتصدمو كانها لبست بدلة رقص بظبط ,وقالو ايه الى انتى عملتية دى
المهم المشهد ده بجد ملوش اى لزمة .. ممكن حد يقول ده علشان يوضح ان الاخوان المسلمين ايام انور السادات كان ليهم تأثير على الشباب بس هما فعلا وضحو كده من خلال مشهد لناس بدقون وهما عمالين يضربو شباب الجامعة
للاسف الفيلم ليه حق انو يولع مش يسقط بس
وانا الى مليش فى النقض ولا فى السينما طلعت العيوب دى كلها امال لو ناقض محترف اتكلم عنو هايقول ايه بقى؟؟!!!!!
اسف على الاطالة
وشكرا
0 التعليقات:
إرسال تعليق