السلام عليكم ورحمة الله وبركاتة
اكيد اكيد كلنا انهارده شفنا الصوره دى
واكيد كلنا استغربنا وسألنا نفسنا اسئلة زى
هو طلع فوق ازاى؟
وطلع فوق العمود ليه؟
ونزل من فوق العمود ازاى؟
واكيد اكيد اكيد شباب الفيسبوك لازم تكون ليهم بصمتهم فى الصوره دى
وبدات تدفق صحات كتير اوى زى>>>>
"الراجل اللى فوق العمود"
"البطل اللى فوق العمود"
"كلنا الراجل اللى واقف فوق العمود"
"الصفحة الرسمية للراجل اللى واقف فوق العمود"
"مين الراجل اللى واقف فوق العمود"
ده جزء بسيييط جدا جدا من اسامى الصفح اللى على الفيسبوك
ده بخصوص صفحات الفيسبوك
اما بقى الكومنتات على الصور
عادية بالمقارنة مثلا بكومنتات الراجل اللى واقف ورا عمرو سليمان.. او الراجل ابو جلبية .. الكومنتات اغلبها كان استغراب او تشجيع او تريقة زى
دى الكومنتات اللى الناس كتباها تعليقا على الصوره
==========================================
"معا لترشيح الراجل اللى واقف فوق العمود لرئاسة الجمهورية"
"على فكرة انا عارف قصة الراجل دا الراجل دا ملوش فى السياسة خالص انما حبيبتة بعد احداث الثورة قالته لو منزلتش الميدان وشفتك بعينى هنسيب بعض فضل يتصل بيها من اول اليوم ويقولها انا ظاهر فى قناه otvافتحى ال tv بسرعة متلحقش بعدها بساعة ظهر فى الجزيرة وسط الناس واتصل تانى واتكرر نفس الموضوع تقريبا عمل الموضوع دا مع كل قنوات النايل سات وبعد لما جاب اخرة واتخنق طلع على العمود وقالها اهو اهو اهو شفتى ياعامية"
=========================================
اما اخر الاخبار فى فى ناس بتقول ان الراجل ده هو هو الراجل الى كان واقف امام المدرعة فى ثوره الغضب الاولى
عموما ياخبر دلوقتى بفلوس بكره يبقى ببلاش واكيد الناس هاتفضل ورا الموضوع ده لحد ميعرفو حقيقة صاحب الصوره
وعمل كده ليه ..بس سبب كتابتى للموضوع ان فعلا الشعب المصرى يستحق لقب خفة الدم بامتياز مفيش موقف يعدى على الشعب المصرى الا لما يتكلمو عليه ويعملو منو نكت بالرغم من احترامهم الكبير للناس دى اخيرا ده فيديو بيوضح ازاى الراجل طلع على العمود علشان فى ناس كتير اوى مشككة فى ان الصوره متفبركة
==============================
==============================
ياريت كل واحد يشارك معانا ويقولنا هو طلع فوق ازاى؟
وطلع فوق العمود ليه؟
ونزل من فوق العمود ازاى؟
:D:D:D:D
0 التعليقات:
إرسال تعليق