ما لم تشاهدة او تسمعة عن ثورة 25 يناير +18

كتب بواسطة Msry 7or في 1:48 ص 1 تعليق

السلام عليكم


انا شفت الفيديو ده بالصدفة وقولت لازم اعرضو عليكم 
علشان الفيديو ده بيأكد كلامى اللى انا عمال بقولو 
وهافضل اقولو ومش هابطل اقولو 


"لو المعتصمين والمتظاهرين اللى موجودين دلوقتى اتحدو على مطالب محدده زى مكنا متحدين ايام 25 يناير 
اقسم بالله محدش هايقدر يرفضلنا طلب"


هاسيبكم تشوفو الفيديو وبعدين هاكمل كلامى

بس ياريت تركزو فى الدقيقة 27:30 وشوفو الناس كانت مستقبلة القوات المسلحة والمجلس العسكرى ازاى
وقارنوها بالبيحصل دلوقتى من بعض الناس؟؟
وانتو هاتتاكدو ان فى حاجه غلط بتحصل

====================================

====================================

انا بجد مش هاقدر اقول غير حسبى الله ونعم الوكيل فى كل حزب او حركة سياسية عمالة تدور على مطالبها الخاصة وعمالة تلعب بالشعب المصرى  الغلبان اللى كل طموحة انو يعيش عيشة كريمة ويشرب ميه نضيفة ومرتبو يقضيه لاخر الشهر .. المواطن اللى كل طموحة انو يعلم ولادو تعليم محترم ويكون ضامن ان ولادو هايعيشو مستريحين 


اقسم بالله العظيم اللى احنا بنعملو دلوقتى هايضيع دم الشهداء وحق المصابين 
والله انا شفت واحد فى ميدان التحرير بيعيط بحرقة اوى سالتو مالك فى ايه قاللى انا اخويا مات فى الثورة ولما جيت الميدان علشان اعتصم مع الناس ولقيت المنظر ده كده اتأكدت ان اخويا دمو هايروح هدر 


اقسم بالله كلام الشاب ده وصورتو وهو بيعيط بحرقة اوى كده مش قادر انساها .. 
والله يا جماعه لازم نوحد مطالبنا 
لازم كل حزب او حركة سياسية تشيل الاعلانات اللى هما عملنا فى الميدان 
لازم كل المعتصمين يبقى مع بعض ميبقاش كل حزب او حركة سياسية ليه خيمة ومكان خاص بيه 


والله والله والله حرام عليكم الناس اللى انتو شفتوها فى الفيديو ده 
كل نقطة دم نزلت من واحد هاتبقى فى رقبت الاحزاب والحركات اللى هاتضيع شعب كامل علشان تبقى هى المسيطره على البلد

لسه من شويه القوات المسلحة منزلة بيان بيوضح ان حركة 6 ابريل بتحاول تعمل فتنه بين الشعب والجيش

ده البيان

انا هافرض ان القوات المسلحة بتتبل على حركة 6 ابريل


طيب ايه اللى خلى القوات المسلحة تاخد الموقف ده من حركة زى 6 ابريل؟؟


انا فى اعتقادى الشخصى
ان حركة 6 ابريل بتحاول تضغط على القوات المسلحة لتحقيق مطالبها الخاصه عن طريق الشعب 
بمعنى ان انا ذكرت قبل كده ان حركة 6 ابريل كانت قدمت قائمة بالوزراء اللى هما عاوزينهم يتعينو فى التشكيل الجديد
ولكن اللى حصل ان التشكيل الوزراى الجديد طلع مفهوش ولا واحد من اللى 6 ابريل عوزاهم 
فقامت 6 ابريل قررت انها تعمل اعتراض على التشكيل الوزارى الجديد بارغم من ان معظم الناس موافقه عليه وقررو انهم يطالبو بسقوط المجلس العسكرى وعصام شرف كمان


فلما القوات المسلحة لقت ان 6 ابريل بتسخن المعتصمين وباقى الشعب على رفض التعديلات الوزارية قام المجلس خد الموقف ده منهم




واخيرا كلامى ده مجرد تخمين ليس الا 
وانا لا اتهم اى شخص باى شئ واكن ما اريد توصيلة انه يجب ان يتم توحيد مطالبنا لكى لا ندع مجال لاى جهه ان تنتقدنا وتفرق بيننا


ارجو من شباب 6 ابريل الكرام وجميع الحركات السياسية والاحزاب ان يتم ازالة جميع شعارات الاحزاب والحركات بميدان التحرير 
وان يتم عمل قائمة متفق عليها من قبل الجميع بالمطالب المعتصم من اجلها 
وان يتم تعليقها كما علقت مطالب 25 يناير وان يكون الشئ الوحيد القابل للرفع من المعتصمين والمتظاهرين هو علم مصر

واخيرا ارجو ان تتذكرو دائما انه يوجد شهداء وضحايا لهذه الثورة ويجب علينا الا ندع دمائهم تذهب هباء 

وشكرا